ايه اللى ممكن يربط بين اجهزة ايفون وايباد وانظمة شبكات cisco ؟! وايه استفادتى كمستخدم من التعاون بين الشركتين ؟!
من أكتر من سنة بدأ التعاون بين الشركتين ونتائج التعاون بدأت تظهر مع بداية اطلاق آخر تحديث من شركة آبل وهو iOS 10 .. واختصارا المستخدم هيقدر يستفيد من خدمة واى فاى المجانية اثناء التجوال ومكالمات الVOIP وأهم تطبيقات الاعمال .
دلوقتى أصبحت أجهزة آبل عندها امكانيات متقدمة أكتر على شبكات cisco ومتوفرة للأجهزة اللى عملت تحديث ل iOS 10 و AireOS WLC 8.3 سوفتوير على ال LANs وبنهاية شهر اكتوبر هتكون كل المميزات متوفرة لكل شبكات ال WLANs .
ودى بعض من الامكانيات اللى هتكون متوفرة :
- واى فاى أفضل : اجهزة ابل هتقدر تتعرف على شبكات cisco وبكدا يقدروا يعملو roam بسرعة وبطريقة أفضل ..لما مستخدم يخرج من منطقة تغطية access point هيكون فى Cisco AP
- واى فاى security أفضل : اجهزة iOS 10 تقدر تستخدم IEEE 802.11r ودا بروتوكول أمان للواى فاى واللى مش بتدعمه اجهزة كتير لانه بيكون صعب على الشركات انها تدعم 11r لانهم بيضطروا انهم يعملو set up ل SSID واحدة فقط للاجهزة اللى تقدر تستخدم البروتوكول وواحدة تانية للاجهزة اللى متقدرش تستخدمه
- اولويات تطبيقات الاعمال : بمعنى انها بتقوم باعطاء الاولوية للأهم فلو كان فى videoconference وفى فيديو على أبلكيشن فيسبوك هتكون الاولوية فى الشبكة واللى يشتغل أفضل لل videoconference .. ودا كان بيتم قب كدا لكن دلوقتى على نطاق أوسع ولل wireless .
- المكالمات العادية وال spark calls : تقدر تستخدم ال interface الخاصة بالجهاز خلال مكالمات ال VOIP باستخدام تطبيق cisco cloud-based Spark collaboration ..المكالمات هتستخدم ال spark اتوماتيكيا لكن هتبان على انها مكالمة عادية ..وزى مابيقدرو يختارو انهم يستخدمو facetime فى المكالمات هيقدرو يختارو انهم يستخدموا spark
