أول حاجة بنعاني منها لما بنشتري تليفون جديد هو تجربة أصدقائنا للتليفون والانتقادات والمراجعات اللي بتنتشر بسببه، الأصعب إن واحد منهم يغير إعداداتك أو يمسح ملف من الملفات أو حتي يشوف الصور الخاصة بيك.
علشان كدة فيه طريقة للتحايل علي الموضوع ده اسمها “Guest Mode” – دي بتتيح للي ماسك التليفون إنه يجرب كل الخصائص لتليفونك بدون ما يعرف أو يكون ليه دخول علي ملفاتك أو صورك
إزي بيشتغل ؟
الـ Guest Mode بكل بساطة بيولد بيئة مؤقتة بحساب مؤقت يقدر منه خلاله أي حد إنه يستخدم التليفون بكامل طاقته ومزاياه بدون تسجيل دائم للداتا دي – بمعني أبسط إن أول ما تخرج منه هيتم مسح كل الداتا والملفات اللي اتولدت أثناء السيشن الخاص بيه
أشغله منين ؟
بسهولة جدا تقدر تشغله عن طريق الـ profile icon الموجودة في الـ notification bar والضغط علي Add guest لتوليد سيشن خاص بيه – للخروج منه بكل بساطة في نفس المكان هتلاقي Remove guest ده هيرجعك لحسابك المعتاد الخاص بيك
